متزوجة من ٣ شهور ولسا ما تم الدخول

 متزوجة من ٣ شهور ولسا ما تم الدخول 💔 تعبت نفسيًا وأحتاج حلول منطقية

السلام عليكم
أنا متزوجة لي ٣ شهور، ومشكلتي جدًا حساسة ومحرجة لكن تعبت وما لقيت أحد أقدر أتكلم معه بصراحة، فقلت يمكن ألقى أحد هنا يفهمني ويساعدني بعقل ومن غير حكم 🥺

من أول ليلة زواج إلى اليوم، ما تم الدخول. يعني غشاء البكارة ما انفتح، ما صار جماع حقيقي. صارت محاولات بسيطة، لكن ما تمت. أول مرة حاول فيها زوجي حسيت بألم، طبيعي توقعت الألم، بس أول ما أظهرت له إني تألمت، على طول توقف وقال لي: "خلاص ما أقدر أشوفك تتألمين" 😔

ومن يومها وهو يتجنب المحاولة الجادة. ما صار يحاول فعلًا إنه يتم العلاقة، كل اللي يسويه مجرد مداعبات خارجية، ويمارس من برا بدون دخول، وبعدها يرتاح ويخلص كأنه كل شي تمام. وأنا؟ أظل أحس بنقص، إحباط، وقهر.

أنا ألبس وأتزين وأهيئ له الجو بكل الطرق، بس ما أشوف منه جدية إنه يحاول مرة ثانية. حتى ما صار يفتح الموضوع، وكأنه عاجبه الوضع الحالي ويشوفه طبيعي.

اللي يخليني أحترق من جواتي إنه ما يكلمني، ما يقول لي: "تعالي نحاول"، ولا حتى يناقشني في الموضوع، وكأن العلاقة الحقيقية مو من أولوياته، أو يمكن هو يتهرب من شيء؟ أو عنده مشكلة بس ما يبي يعترف؟

صرت أحس إن المتعة بس له، وأنا بس أداة يرتاح فيها، وبس! تعبت من السكوت، وتعبت من التفكير.
هل أنا السبب؟
هل هو عنده مشكلة عضوية؟ نفسية؟
هل لازم أفتح معاه الموضوع؟ ولو فتحته وش أقول؟
ولا أسكت وأنتظر؟ ولا أستشير طبيبة ولا مين أروح له؟
أنا مو قادرة أعيش هالشعور إني ناقصة أو ماني زوجة كاملة.

تكفون ساعدوني، عطوني رأي واضح ومنطقي، وش الحل؟ وش الخطوة الجاية؟ أنا تعبت ومليت، لا أقدر أصارح أحد، ولا أقدر أعيش كأني طبيعية 💔

يمكنك أن تترك تعليقك هنا  

كمجهول، 

دون الكشف عن هويتك.