تجربتي في الزواج من مطلق، سلبيات الزواج من رجل مطلق، زواج البكر من مطلق، لا تتزوجي رجل مطلق، ندمت أني تزوجت مطلق، تزوجت مطلق وطلقني، تجارب الزواج من رجل مطلق، الزواج من رجل مطلق ثلاث مرات.
تزوجت رجال مطلق...وشبح طليقته ما يفارقني ...
كان قد طلق قبل، وأنا كنت أعرف من البداية، بس قلت: كل إنسان يستاهل فرصة ثانية.
في البداية، كنت مغمضة عيوني عن ماضيه، أحاول أركز بالحاضر، أعيش له ومعاه...
بس والله، مهما حاولت، الجرح ما كان يندمل!
أول مشكلة واجهتني، إني كنت أغار، أغار من طليقته بشكل مو طبيعي...
كل مرة يسوي لي شي حلو، بدل ما أفرح، أحس إنه كان يسويه لها قبل!
كنت أقعد مع نفسي وأقول: أكيد لما كان يضحك لي كذا، كان يضحك لها بنفس الطريقة...
لما يأخذني مشوار، لما يختار لي عطر، لما يتصل يطمن علي،
كنت أتخيله يسوي لها نفس الشييييي.
ومع العشرة، بديت أفهمه أكثر...
عرفت إن زوجي من النوع اللي يذبحه تأنيب الضمير.
يمكن لأنه كان مقصر معها نفسيًا، كان يحاول يعوضها بالخروج والهدايا.
بس أنا غير...
أنا حملت، وتغيرت حياتي ١٨٠ درجة.
عرفتوا الحامل شلون؟
نوم، كسل، تقلبات مزاج، جوع طول الوقت، قرف من كل شي...
ما عاد صرت ذيك اللي فاضية له ٢٤ ساعة مثلها.
هي كان يشوفها وهي عروس، مرتبة، رايقة، ريحتها فوااااحة...
وأنا؟
أنا حامل، تعبانة، ومعي طفلة، وعقلي مو براسي من التعب والمسؤولية.
كثير جلست مع نفسي أفكر:
أكيد فيها صفات هو يتمنى يشوفها فيني...
يمكن أهدى، أرتب، أتزن، مو طفاقة مثلي أصرخ من طلعة روحي.
كنت أقرقع داخلي، وأتألم...
وكنت أحس أحيانا إنه لما يطالعني، مو بس يشوفني، يشوف معها ذكرياته، يقارن بيني وبينها.
لا تسألين: هل تحسين بالمقارنة؟
إيييييه، من قلب أحس.
حتى لو ما تكلم، عيونه تفضحه أحيانا.
أغار منها ٢٤ ساعة باليوم!
ودي لو في كاميرا معلقة على راسها أشوف وش تسوي، وش تفكر فيه، وش تلبس، وش تطبخ، وش تحس فيه!!
كنت أدرسها دراسة كأني أحلل عدوي، كل كلمة، كل خبر عنها يوصلني، أحفظه وأحلله وأربطه بكل شي يصير بيننا.
بس رغم كل هذا...
رغم الغيرة اللي تحرق قلبي، ورغم إني أحس إني أقل منها أحيانا...
كنت أحاول أثبت نفسي قدامه.
كنت أبيه يحبني أنا، مو كظل لها.
أبي لما يطالعني، يشوفني أنــــا، مو صورتها.
بس والله، الجرح اللي ينفتح مع كل مقارنة، كان ياخذ مني شي...
يكسرني من جوا، ويخليني أحس إني في معركة مستمرة، مع نفسي ومع طيفها اللي ما اختفى من حياته.
بس برغم الألم...
تعلمت شي مهم:
إذا تزوجتي مطلق، لا تتوقعين إنك بتبدين من الصفر،
انتي داخلة حياة فيها ذكريات، فيها ماضي،
والماضي أحيانًا، لو مهما حاولتي تتجاهلينه... يجي يطقطق على قلبك بدون استئذان.
ليست هناك تعليقات:
إرسال تعليق