الجفاف العاطفي بين الزوجين، زوجي جاف عاطفيا، الزوج الجاف والعصبي، زوجي يهملني عاطفيا.
رسالة من زوجة موجوعة: حسسني بوجودي !!!
زوجي،
يمكن ما تحس، ويمكن تحس وتتجاهل، بس أنا بوصل لك كلمتين من قلب تعـب وانكسر…
أنا ما أبي ورد، ما أبي هدايا، ما أبي سفر، أنا أبي كلمة حلوة، نظرة فيها حنان، لمسة تقول لي "أنا جنبك"، بس حتى هذي صارت مستحيلة.
إذا زعلت منك، تقلب علي، تسكت، تسحب، كأني مش موجودة، وكأني ما أستاهل فرصة أشرح أو أتكلم.
طيب ليه؟ ليه لما أنا أضايق وأبكي، ما تهمك دموعي؟
ليه ما عمرك مسحت لي دمعة؟ ليه ما قلت لي: "لاتزعلين يا حبيبتي"؟
ترى أنا أعيش معاك… بس أحس إني لحالي، أناديك بقلب، وأسمع صدى صوتي بس.
ويمكن تقول عني حساسة، أو درامية، بس أنا إنسانة… وأحتاج أحس إني مرغوبة، محبوبة، مسموعة، مثل كل زوجة تتمنى رجل يحتويها، يضمها إذا خافت، يطيب خاطرها إذا انكسرت.
ما أزعل كثير، بس لما أزعل… ما ألقى منك حتى رد!
ولا حتى رسالة وحدة تواسيني فيها.
أنا اللي دايم أراضيك، أجيك من قلبي حتى لو كنت المكسورة…
بس تعبت، والله تعبت.
أنا مو قوية طول الوقت، ولا أبي أعيش في بيت أنا فيه جسد بدون روح.
جفافك العاطفي قتل فيني أشياء كثيرة، حتى نظرتي لنفسي بدأت تضعف.
أنا موجـودة، بس مو مـحسـوسة.
وأنا زوجتك… مو مجرد قطعة أثاث في البيت.
ليست هناك تعليقات:
إرسال تعليق